Doktorantura şöbəsi haqqında
PLAGİAT sistemi üzrə QAYDALAR
PLAGİAT sistemi üzrə QAYDALAR (5-ci maddəyə əlavə – 29.06.2018)
Azərbaycanin Vergi jurnalı – müəlliflər üçün qaydalar
*
*
Hörmətli doktorantlar və dissertantlar
20-22 dekabr 2021-ci il tarixlərində, UNEC-in IV korpusunda, saat 10.00-da doktorant və dissertantlar üçün “İxtisas” və “İqtisadın ümumelmi əsasları” fənləri üzrə doktorluq imtahanları təşkil ediləcəkdir.
İmtahan yazılı və şifahi keçirilir. İmtahanın müddəti 2 saat 30 dəqiqədir. Doktorant sualları 2 saat ərzində cavab vərəqində yazılı, 30 dəqiqə ərzində imtahan komissiyasının üzvləri qarşısında şifahi qaydada cavablandırır. Hər bir imtahan bileti ixtisas üzrə 4 sualdan ibarətdir. İddiaçının biletində olan suallar və onlara verilən cavablar cavab vərəqində qeyd edilir. Doktorantın dissertasiya mövzusuna dair 5-ci sual imtahan komissiyası üzvləri tərəfindən ona şifahi cavablandırma zamanı verilir və cavab vərəqində qeyd edilmir. İmtahan komissiyasının üzvləri doktoranta biletə düşən suallar çərçivəsində və dissertasiya mövzusuna dair əlavə dəqiqləşdirici suallar verə bilərlər.
Hər bir sualın cavabı 10 ballıq şkala üzrə qiymətləndirilir. İmtahan üzrə keçid balı 25 baldır.
İmtahanlarda iştirak üçün tələb olunan ərizəni (pdf formada və imzalanmış), şəxsiyyət vəsiqəsinin surətini və dissertasiya mövzusunun AMEA-nın İctimai Elmlər üzrə Problem Şurası tərəfindən təsdiqlənməsi barədə məktubun surətini 31 noyabr 2021-ci il tarixədək [email protected] və ya [email protected] email ünvanlarına göndərilməsi xahiş olunur.
UNEC-in doktorantı olmayan şəxslər imtahana buraxılmaları üçün qeyd edilən sənədlərlə yanaşı dissertasiya işinin yerinə yetirildiyi müəssisənin UNEC-in rektoruna müraciət məktubunu da 31 may 2021-ci il tarixədək təqdim etməlidirlər.
İmtahanlara hazırlaşmaq üçün istiqamətverici suallarla http://unec.edu.az/doktorantura-sobesi/ səhifəsində tanış ola bilərsiz.
İmtahana gələrkən pandemiya şəraiti ilə bağlı tətbiq edilən qaydalara riayət edilməsini xahiş edirik.**
*
*
